成日話女人嘅心情好似天氣咁變幻莫測，其實女人嘅身材都係一樣，好似靚女廖碧兒就係最佳例子，雖然入行以來一直有纖體公司贊助，但佢Keep住時肥時瘦，自從去荷里活拍完部動作片之後，身材更加係走晒樣，麒麟臂、水桶腰全部現形，擺到明拆纖體公司招牌！
不過，早幾日SoSo姐喺街上撞見碧兒，佢又變番選美時嘅索爆身形，認真犀利！佢笑笑口咁話：「我就快拍羅守耀執導嘅《滅門》，要開工梗係要Keep番Fit啲啦！」碧兒之所以話肥就肥、話瘦就瘦，原來係睇心情而定，佢話：「我都係人嚟㗎！平時好鍾意食嘢，我諗好多普通人都同我一樣，易肥又易瘦，所以咪要搵纖體公司幫手囉！我之前去完荷里活拍動作片，當時日打夜打實在太辛苦，拍完之後梗係要獎勵自己！食嘢可以令我放鬆心情，人都會開心啲。」咁又係，如果個人唔開心，瘦都唔靚啦！