本文重點
黃家強早前豪擲30萬購買萬年曆名錶，但佩戴不久即發現有問題，他多次到錶行理論都不得要領，令他甚為氣憤，最終家強向傳媒求救，該錶行才答應解決問題。
黃家強昨日主動聯絡傳媒求助，當記者趕到錶行時，發現家強與日籍太太Makiko正與店員理論，事緣早前家強以近30萬元，在該錶行購買一隻名錶，但其後發現名錶快了2分鐘，他即到錶行追究，錶行表示會代為修理，還聲稱會發出證書給他，證明這種錶有時差，家強說：「30萬隻錶有時差，係一個笑話！隻錶咁新點解要整先？」
補萬元換4隻
家強曾先後四次到錶行理論，但對方態度強硬，堅拒退錢或換貨，令他甚為激氣，擾攘一番後，家強才能與錶行老闆透過電話聯絡，終獲答應可換取價錢相若的手錶，最後家強要補貼萬多元換了四隻手錶，家強說：「冇諗過退錢，只想換貨！佢哋又話隻錶已經停產，我買嗰隻萬年曆錶，係諗住將來傳畀個仔，點知會咁？唔明點解係要逼我埋牆角先肯換！」他更說：「可能因為你哋（現場記者）喺度先肯換畀我！可以合理解決咗問題，條氣都順番！」