楊婉儀捐建防震幼稚園

慧妍雅集昨日舉行慈善晚會，主席楊婉儀宣布去年為四川籌得逾200萬港元，而一批會員將於年底自費到災區，她說：「我哋會起兩間幼稚園，計劃2010年落成，會以慧妍雅集命名，今次有外國建築師參與興建，七、八級地震都冇事。（仔女同行？）都想，我有探訪都會帶埋仔女去，畀佢哋知道有幾幸福！」此外，問到知否張舒雅常因病缺席活動？楊婉儀說：「我唔知。（佢病住都拍拖？）如果真係病，希望佢快啲好番加入慧妍雅集，對社會作出貢獻。」