關楚耀低調赴四川行善贖罪

文：影視組

楊千嬅表演時獲一班小朋友伴舞。	Eason獻唱時難忘災情，神情哀傷。	一眾演藝人低頭默哀，悼念四川地震中的死難者。

無綫電視昨晚調動所有節目，於晚上黃金時段現場直播特備節目《TVB512再展關懷》，曾志偉及陳芷菁擔任大會司儀，參與歌星包括譚詠麟（阿倫）、陳奕迅（Eason）、楊千嬅、古巨基、李克勤及關淑怡等。而電視台藝員更幾乎總動員出席，《宮心計》及《掌上明珠》等劇集演員暫時停廠，穿上戲服作出呼籲。

「Laughing哥」謝天華夥苗僑偉率先致詞，地位超然。

李逸朗（左起）、鄭希怡及鍾舒漫等送上祝福。

克勤想帶兒子往災區

壓軸出場的克勤和阿倫戴上紅領巾上台，阿倫坦言早前和關楚耀同往災區探訪，獲當地小朋友送贈一對紅領巾，並透露早前表示要閉關至少三個月靜思己過的關楚耀（Kelvin）已到四川，身體力行做義工，阿倫說：「佢跟慈善團體去咗四川，佢想低調啲，唔好騷擾佢，畀佢留番啲精力做番啲嘢，佢都唔想畀人知佢去嗰度，可能會去一段好長嘅時間，係克勤提議佢嘅！」Kelvin所屬的環球唱片公司高層黃劍濤昨晚亦親口證實：「冇錯Kelvin依家係上咗去做義工，佢都講過短期內唔會做任何演藝工作，今次只係做義工，係香港嘅慈善團體邀請佢，但所有詳情我唔想多講，唔想畀人覺得係做宣傳。」至於克勤則表示已錄下近兩年的籌款活動，留給兒子長大看，有機會更想帶同兒子往災區。

譚詠麟（右二）分享探訪的難忘經歷。

關淑怡以歌聲鼓勵四川災區的生還者。

Eason笑談「六角關係」

另外，Eason最近與謝安琪傳緋聞，他淡然地回應這是他婚後第一單緋聞，並說：「冇所謂啦！喺咁惡劣嘅環境笑吓都好。（同謝安琪再見會否尷尬？）唔會！大家咁熟。」他笑言加上雙方兒女，此緋聞可算是六角關係。他又直言因受王菲影響，發現自己行善不夠，故有意再多做善事。

憑「Laughing哥」一角上位的謝天華昨晚地位超然，被安排企第一排。至於一向被指走音的鄧麗欣，戰戰兢兢唱畢整首歌，沒有再失禮人前。