下月初與王喜拍攝無綫新劇《囧探查過界》的鍾嘉欣，在劇中飾演模特兒，更被監製羅永賢打造成時下「港女」，她說：「對我嚟講係一個挑戰，我喺外國返嚟，言行舉止都要改變吓，但依家拍緊古裝劇，未有時間揣摩。」她還特地重溫《星期日檔案》作參考：「裏面講啲OL一星期去兩次蘭桂坊，冇乜特別，呢個角色可能會有啲Kawaii同日本女仔感覺，到時或者要好似Angelababy同傅穎咁，電鬈頭髮同染髮！」
至於飾演偵探的王喜，得悉此劇含靈異元素後說：「大吉利是咩！拍拍吓7月喇喎！」他剛加盟楊紫瓊所屬的公司，問到何時拍電影，他說：「未咁快，依家金融海嘯，拍電影都係下半年嘅事。」
