林峯前晚為下月舉行的《峯．情無限演唱會》舉行記者會，獲4名水着美女獻吻，艷福不淺！他透露屆時會穿上透視裝及T-back，大玩濕身誘惑！ 文：音樂組
將於下月17及18日在紅館舉行處男演唱會的林峯，前晚在記者會上表示感覺很刺激，因為在紅館開騷是歌手的終極目標及夢想，他說：「我一直懷疑係咪真，到今日先Sure！」夢想成真的他，獲兩大高層霍汶希及樂易玲到場支持，大會又安排4名性感水着女陪他現身，但他全程目不斜視，被水着女錫面珠時更硬晒軚兼不停流汗，場面搞笑！
是次演唱會以水為主題，林峯自爆將穿上若隱若現的透視裝，更笑說：「淨係透視重要部位！（着T-back？）梗係會啦！（着泳褲？）紅磡體育館真係睇肉咩？」他坦言只推出2張專輯便開騷感覺太快：「我都覺得好快，但公司同TVB都覺得入行10年啱Timing，唱片銷量又一隻好過一隻，我都有信心，仲會唱其他人嘅歌。」
問到會否唱緋聞女友鍾嘉欣的歌，他說：「會考慮。（請佢做嘉賓？）你哋想請咩？」樂易玲即表示要度期，但「Laughing哥」謝天華、泳兒與蔡卓妍已答應出席。另外，林峯表示最希望偶像張學友捧場。