本文重點
【本報訊】睇波大過天！南非世界盃正式開鑼，內地球迷瘋狂捱夜睇波，大學校園也掀起睇波熱。但四川成都的西南財經大學為免學生無精神，以期末考臨近為由，嚴打通宵睇波，宿舍晚間熄燈後斷電斷網，即無電視之餘還不准上網，引起學生公憤，昨午有學生藉散步方式抗議。有網民發現多數大學隻眼開、隻眼閉，更覺西南財經大學不人道。
網民斥校方不人道
「真是西南財大的悲劇！」斷電斷網消息一出，大批球迷學生不滿。昨午二時許，有學生在校內聚集藉散步抗議，聲討校方做法無理。校方派出老師與學生談判，學生要求恢復二十四小時供網，但校方堅持斷網是為學生着想，雙方不歡而散。讀大三的王同學稱，世界盃很多精彩賽事都在半夜，本以為可在宿舍上網睇波，現在只好到外面睇波。
大批網民也力挺西南財大學生，狠批校方禁止睇波的做法不人道。另有網民拿其他大學比較，如南京大學體貼到於世界盃前為網絡升級，讓學生可在宿舍上網高清觀賽；吉林大學也批准學生到飯堂看賽事直播。