世界波：盛女出擊 勾仔招數夠Gimmick

現今社會女追男已經係好普遍嘅事，尤其是美國呢個開放社會，女人唔會再企喺度等運到，佢哋一旦見到合適對象，就會主動出擊。而且勾仔招數更層出不窮，比男人追女仔更見心思，男士們不妨從中偷吓橋！

根據美國一本成人雜誌調查顯示，美國有七成女人唔介意主動追男人，佢哋更會同姊妹分享勾仔心得，或者一齊「腦震盪」，諗計仔令男人落疊。以下5招就係美國盛女最常用嘅招數，完全捉到男人死穴──以性行先，藉此打動男人心。

自己扮禮物

將自己包裝成禮物送畀男人，係男人都冧，而且仲要着到鬼咁惹火，擺明就係色誘啦！所以呢招大多奏效，係男人都會喜出望外，即時將你抱入懷中，愛不釋手。

忽然脫清光

男人天生受唔住誘惑，尤其是見到女人赤裸嘅胴體，更加會令佢哋嘅睾丸素大增，立即衝昏頭腦。所以女人借啲意脫清光，包條毛巾走出嚟，男人一定唔使多問都知點做。

扮入錯房間

女人有時候面皮較薄，未必可以主動送上門，或者忽然脫清光咁直接，但總要搵個位埋手先得，不如就將錯就錯，扮入錯房，然後再騷出誘人事業線，相信佢應該知道餘下時間要點做！

送Phone拍艷照

如果手頭鬆動嘅女強人，不妨學吓近期苟姑娘嘅廣告，送部手機畀心上人。不過唔可以送得咁純情，一定要即時同佢玩吓自拍，將一對肉球Close Up影低儲入手機內，呢個仲唔係最佳嘅挑情訊號？

零距離度身

呢招係5招中最唔突兀嘅，事關真係有藉口叫佢幫手，因為自己冇可能幫自己度身，叫男人幫手都好合情理。只要度得兩度，就會愈度愈少衫，愈度愈貼身，隨時度到慾火焚身，就地正法。