Tereza Ilova膚色太黑難打燈
古銅美女Tereza一向都活潑好動，閒時唔使開工，就會去玩水上活動，佢最鍾意就係滑浪，所以經常曬到成身古銅色，好多Fans都係因為佢呢身性感膚色而捧場。不過負責打燈嘅燈光師就不敢恭維，佢話女人膚色太黑，打燈好難打得靚，拍攝時經常令佢大傷腦筋，時間心機都要花多一倍！
阿姐發火
不過Tereza就有唔同睇法，仲話燈光師有心為難佢就真，如果皮膚黑真係咁麻煩，咁四仔界嘅黑妹咪唔使搵食？而且業界向來都不乏當紅黑妹女星，人哋拍出嚟嘅效果都好好喎。所以佢話如果燈光師再諸多意見的話，就會拒絕同佢再合作，反正呢行咁多燈光師，佢唔做大把人做。
好彩燈光師都識睇人眉頭眼額，見阿姐唔高興，立即向佢「沙冧」！Tereza訓示佢做人都係要學吓睇風頭火勢好啲，否則亂咁玩嘢遲早飯碗不保。