世界波：扭曲現實 全民性愛再教育

今期有個怪現象，事緣係網民中晒四仔毒，性愛觀完全被扭曲，有歐美網站呼籲要性愛再教育；近日連香港呢個性愛禁地，亦有收費電視大膽到話要唔等審批就播重口味性教育節目，男女演員三點畢露上陣，擺明挑戰道德之士底線，唔知有幾多人真係會抱住學嘢心態而睇呢？

早前有位於英國牛津大學畢業嘅囡囡，睇唔過眼現今四仔界嘅荒謬拍攝邏輯，於是搞咗個「makelovenotporn」網站出嚟，據《紐約時報》引述，自從網站成立後，引起各界對色情世界及現實世界中嘅矛盾作討論，就連Frisky網站亦乘機抽水，貼文指出男性受四仔潛移默化影響產生出嘅12大性病態，小弟精選咗其中幾點，想知道你嘅性觀念有冇畀四仔扭曲，即Check！

鏡頭恐懼

色情世界：脫星喺任何情況下總會望住鏡頭，將自己副Body同性器官盡情展現，表情極盡淫蕩，要求男優喪搞！

現實世界：女人對鏡頭敏感過埋牙，即使對房內部電腦嘅Webcam都會避之則吉，若然男方親熱途中私自拎出手機拍攝，囡囡可能會即時反面，拒絕再做！

口中爆發

色情世界：但凡有男優上陣嘅四仔，脫星都會自動自覺為男優作口舌服務，若然男方冇下一步動作，女方會自行吹爆兼全數吞下精華。

現實世界：唔係個個女人都心甘情願用口舌服侍男伴，好多時只係無奈答應，過程中或會面露不悅、忽然停低、甚至埋怨男方，更莫講話要佢哋吞食精華啦！

張腿即砌

色情世界：脫星遇上男優後會主動張開雙腿，繼而自摸呻吟，非常期待男方進入，而且不需任何前奏、潤滑，被當成洩慾工具都毫不介意！

現實世界：女方最希望男人可以溫柔對待，畀多啲心機做前戲搞㷫自己，事關女人較少單憑陰道交得到高潮，需要多啲外在刺激先可以得到滿足。

百變場景

色情世界：脫星埋牙不分時間地點，只要有對手，懶理沙灘或浴缸、梳化或樓梯都一樣砌得爽，更會因應環境做出各種高難度體位，點砌都有高潮！

現實世界：女人希望性愛過程中享受舒適，因此最愛於床上親熱，至於其他場地，例如地板肉搏，女方要雙膝跪地服侍男優，好易搞到膝頭勁痛，試問又點會開心？

純情淫蕩

色情世界：制服四仔系列五花八門，而當中四仔迷最愛純情學院服，脫星表現得對性愛愈無知，男人就愈興奮，因為可以嘗盡調教快感！

現實世界：男人想囡囡主動玩制服誘惑，但卻又希望女人純情無知，不過上到床時若然可以表現淫蕩、主動服侍則更佳，莫非佢希望女伴精神分裂？