講心唔講金
船主同隻船之間，唔一定係同金錢有關，好似老友阿滿喺深圳有隻船，之但係佢早就視對方係另一半，一放假佢就會上深圳，爭取時間同對方見面。至於佢隻船我都有見過，質素相當高，兼且冇乜脂粉味，最重要係佢同阿滿一齊之後便從良，唔再做小姐，轉行開舖賣衫，兩人雙宿雙棲不知幾咁恩愛，絕對係講心唔講金。點知有一日，女方帶咗個姊妹嚟，表示呢個姊妹好想上岸唔再做髮廊，要求阿滿介紹男仔畀佢，但阿滿就話冇男人鍾意搵囡囡做女友，佢隻船聽到就火都嚟，問阿滿係咪嫌棄佢，仲話如果介紹唔到男仔畀姊妹嘅話就同佢分手，因而搞到阿滿好頭痕。所以話沉船其實同拍拖一樣，都係咁煩o架！