虛擬浪漫
現實中，即使有女在旁，都未必搵到浪漫感覺，更何況我哋呢班毒男呢？但我冇絕望，皆因我可利用虛擬浪漫自我滿足。現實生活中冇女願意埋我身，偏偏喺虛擬世界我就係鎅女王，幾件女爭住要我嘅情況周不時發生，若然啲女發我老脾，肯定即掟冇情講，撳個掣又可以重新嚟過。羨慕？只要你單撈呢個《Hot Romance》手機程式，你都一樣可以做情聖！
用家需要操控光頭型男Jimmy，進入遊戲喪（目及）女，囡囡難溝程度由淺至深，玩家要喺限時內按囡囡嘅情緒起伏嚟不斷滿足佢，例如女喊你要攬攬、扭計你要錫錫，期間會有索女彈出，Jimmy哥要喺正印面前鎅掂對方，同時唔可以激親自己嗰件，都有啲難度o架！
名稱：《Hot Romance》
收費：US$0.99（約HK$7.8）
平台：Android