靚湯冧仔
姊妹A話家陣要同班北姑爭飯食，生意真係好難做；但係姊妹B就話個市相當好，唔單止唔憂冇客，班熟客仲好幫得手，成日介紹啲新客仔畀佢。點解會有咁大嘅分別呢？等我DaDa同大家分析一下啦！姊妹A嘅外形真係冇得彈，只係十個客仔，九個幫襯完之後就冇下文，唔係因為A服務唔好，而係佢份人好Cool，唔識得冧客。姊妹B就唔同喇，佢對客人真係好細心，好似佢知道有個熟客嗰排應酬多，搞到喉嚨痛唔舒服，佢就主動打電話慰問對方，仲煲埋湯拎畀對方飲，係男人都冧晒啦！可能有人覺得B呢種做法好老套，之但係橋唔怕舊，最緊要受，乜大家冇聽過如果想留住男人個心，必先要留住佢個胃咩？所以我Buy姊妹B嘅做法，仲學埋佢煲靚湯冧仔添！