世界波：千奇百趣 高潮性研究

科技進步除咗令人類嘅生活大大改善，仲可以令我哋嘅性生活變得更加美滿，事關有唔少研究都針對如何提升性趣或令伴侶更易得到性高潮而設，當中嘅研究結果話畀大家知，原來要令伴侶得到高潮，其實好簡單，例如曳曳嘅時候着番對襪都有幫助o架！

小弟近年都冇固定伴侶，師傅就提醒我，做人千祈咪自私，尤其是喺床上，更加要照顧伴侶需要，所以我經常留意一啲同提升性趣有關嘅研究，希望從中學番一招半式，等遲啲搵到好女仔時可以好好應用。近日小弟又睇咗幾個同性愛有關嘅有趣研究，決定同大家分享一下。

雙足溫暖　更易高潮

普遍人同伴侶上床嘅時候，都鍾意剝光豬親熱，事關嗰種肌膚之親令人感覺零舍溫馨，亦更易動情。不過，原來女方嘅衫衫褲褲都可以剝，但對襪就一定唔剝得。根據荷蘭格羅寧根大學嘅一項研究發現，一般女士對室溫相當敏感，更會因此而影響到享受交歡時所得到嘅快感，所以保暖對女士而言最為重要，尤以經常感到足部冰冷嘅女士更甚。研究仲發現，只要女方上床時着多對襪，就有80%機會可以成功到達高潮，係真唔係呀？

上唇有珠　陰核較凸

中國嘅相學歷史悠久，單係睇個嘴都有好多理論，例如上唇厚代表重感情，下唇厚就代表重色慾，至於上唇有珠，就被認為嗌交唔會輸。而根據西蘇格蘭大學嘅研究顯示，獲邀協助進行研究嘅258名女士當中，上唇有珠嘅女性，辯才了得之外，亦較有機會得到高潮。而據研究負責人表示，上唇有珠表示該女性嘅陰核亦會較為突出，所以更加能夠透過交歡感受摩擦快感，得到高潮嘅機會自然較高。

步姿自然　係好對手

一個名為Journal of Sexual Medicine嘅研究組織早前進行過一項研究，佢哋分別請到一班經常從性愛中得到高潮嘅女士，以及一班鮮有於床上得到快感嘅女士，叫佢哋如常的步行100米，然後再行多100米並同時諗住心儀嘅男性，結果發現經常得到高潮嘅女士，兩次嘅步行姿勢都冇乜分別，而較少得到高潮嘅女性，則會於第二次步行時表現出唔自然嘅古怪步姿。據講，經常享受到高潮嘅女性，會陰肌肉識得放鬆，所以春心動都唔會影響步姿，若然你都想搵番個好對手，約會時不妨同佢一邊行街、一邊調情，睇吓佢行得自唔自然啦！