世界波:立法戴套 女星拍手叫好

最近美國知名四仔演員James Deen同Jessica Drake,合拍咗條性愛短片,片中兩人戴上面罩、眼罩,並在片中使用各式各樣嘅保護措施!觀眾可能覺得好奇怪,但原來兩人旨在抗議洛杉磯政府規定四仔演員拍攝時必須使用安全套嘅新計劃。過往有唔少男女脫星都因為無套打真軍而染上性病或愛滋病,若非怕四仔迷轉睇歐洲片,相信有唔少女星都對此政策深表贊同。

於新計劃下,洛杉磯政府立令四仔演員拍攝前都必須取得健康證明,男優拍攝期間要戴安全套,更不能在女優體內射精,違者輕則罰款,重則坐監。於是Jessica及James兩人便合拍短片,諷刺提出動議嘅衞道之士。據知洛杉磯曾於1998年時短暫推行有關政策,結果令當年嘅四仔收入立即下挫30%。不過近日業界亦有唔少持相反意見嘅聲音,表示立法對演員嘅健康更有保障,例如以下4位女星,都認為命仔緊要過錢!

Britney Amber健康第一

Britney話自己雖然好熱中性愛,仲好投入四仔演員事業,但相對於健康而言,佢話冇嘢緊要得過命仔,就算畀你搵到再多錢,冇命享都係冇用!所以佢人生中只會將健康排第一,事業、愛情、金錢統統要讓路。拍四仔首要注重安全同健康,所以佢支持政府立法要演員戴套,仲話寧願收少啲片酬,都唔願意打真軍喎!

三圍:34B-24-33

身高:5呎1吋

年齡:26歲

Valerie Cortez負責行為

Valerie話四仔演員經常畀人歧視,佢唔想社會覺得佢哋係傳播性病嘅工具,所以拍片戴套,做足安全措施,係四仔演員應該做嘅事。佢覺得戴套唔會影響四仔嘅質素,更加唔會影響官能刺激,反而會帶出正面訊息,令Fans們都知道安全性行為係負責任嘅行為,假如每個人都咁做,感染性病嘅機會率將會大幅下降。

三圍:34C-24-32

身高:5呎4吋

年齡:21歲

Cassie Laine愛惜自己

Cassie話識得愛自己先至識得愛人,做愛唔戴套係唔愛惜自己嘅行為,仲可能連累所愛嘅人,萬一拍片時中招,返到屋企傳染畀愛人,咪盞成世人都覺得內疚,就算搵到錢都唔會開心。所以佢都贊成立法戴套,仲話對整個行業有益多過有害,可能眼前利益會有些少損失,但長遠嚟講,對四仔演員嘅生命安全更有保障!

三圍:36DD-25-36

身高:5呎2吋

年齡:22歲

Ivey改善情況

Ivey話做四仔女星唔係做妓女,就算做妓女都有得選擇戴唔戴套,更何況四仔演員?所以佢覺得既然之前不斷有業內人士因為中招而喪命,或者將病毒不斷傳開,影響業界安全,倒不如全面立法強制驗身同戴套,或者情況可以有所改善呢!如果真係有嘅,就算唔立法,都會有人自動自覺戴套,起碼佢第一個支持先!

三圍:36B-25-36

身高:5呎3吋

年齡:32歲

七瀨