不擇手段

同行A原本專為某個指南網站跑照片、跑廣告，他一向專攻內地嘢，東莞好、深圳好，哪裏有錢搵他就會去哪裏，不過早前聽說他已經辭職，說要轉行去！難得這晚在旺角一家茶餐廳遇到他，當然要捉住他敍舊一番，一如所料，最後又成為他的訴苦之夜，他話：「做呢啲以內地夜場為主要報道對象嘅網站，跑嘅人十之八九都係內地人，一來人工平啲，二來同間場嘅負責人同聲同氣，易傾好多嘅，所以我哋香港人上去做，唔係易o架！」選擇離開，一來是因為早前的嚴打風暴大大影響了收入，經過一輪考慮，他終於有了這個決定。

聽他說，原來因為「不滿」內地同業的做事手法，也是原因之一，「佢哋做嘢完全不擇手段o架，好似我知道有個上面啲舊員工離職，可能有啲唔開心啦，結果嗰位仁兄返到老家，就日日夜夜去炸舊老闆個網，仲要搞咗好耐先肯收手。香港人邊可能係咁呀，得閒都去搵食啦！」另外，為了爭生意，中傷同行的說話更加無日無之，「點止中傷呀，連一啲接近威嚇嘅手段都有，咁多紛爭，又唔係搵得多，咁不如轉行啦。」