世界波：上天又落海刺激更精彩

有人話脫星可以被歸類為動作演員，皆因片中肢體動作多多，男女交戰嘅場面更係殺聲震天，同樣睇到人血脈沸騰。其實講到美國嘅脫星，又點止肉搏戰一味咁簡單？好多時更恍如特技人般上天下海！早排美國就有四仔論壇進行咗個網上投票，推選出三個被眾人公認為最危險、最刺激又最誘人嘅動作場面，真係令人眼界大開！

事實上，唔少脫星為咗吸引四仔迷嘅注意，都唔介意演出高難度場面，等四仔迷能夠得到更多元化嘅官能刺激。呢班四仔迷就以每人3票嘅方法，推選出最經典又最刺激嘅脫星演出場面，結果喺參與嘅680位四仔迷中，高空跳傘肉搏戰以超過500票大熱當選。

No.1：空中降傘　心臟極限

空中降傘本身係極限運動，玩家不但要喺高空跳落嚟，仲要以時速120公里嘅速度下墜，真係心臟機能差啲都頂唔順！既然對心臟要求咁高，男士支兵器喺下墜時又能唔能夠進入作戰狀態呢？美國男優Voodoo就決定聯同脫星Hope Howell嚟個親身示範，表演跳傘之餘加肉搏大戰。夠膽喺高空度跳落嚟本身已經夠激，仲要入埋正題兼衝刺，莫講話個心臟可唔可以承受得到，本身都要好有膽量同勇氣先敢試。不過最重要嘅係，有關當局已經話咗呢種玩法屬違法，睇嚟呢個場面真係可一不可再！

No.2：閉氣潛水　脫力氣虛

潛水唔單止講求肺容量，仲需要玩家熟悉水性，先至玩得安全。不過如果話畀大家知，潛水嘅係班嬌滴滴脫星，而佢哋仲唔止潛水咁簡單，而係喺水中曳曳，唔知大家又點睇呢？大家都知性愛係種耗氧性相當高嘅活動，家陣又要潛水又要曳曳，對肺容量同心臟嘅要求都勁高，而最要命嘅係好多時拍攝地方唔係泳池而係海底，萬一男女脫星玩到抽筋，又唔熟水性，隨時會因為換唔到氣而Bye Bye，又或上水太急而整穿耳膜，絕對係個危險度相當高嘅動作！

No.3：情慾格鬥　入廠大修

上天下海後，當然要返番去地面啦！不過咪以為喺陸地就冇事，因為危險嘅程度雖然未至於會搞出人命，但係甩骹、斷手卻經常發生，講緊嘅就係四仔戲中嘅格鬥場面。大家都知道美國人好鍾意睇格鬥，不論係假摔角定真肉搏，都吸引唔少粉絲支持。為咗投其所好，有啲四仔會加插格鬥場面，以提升視覺刺激。可惜班四仔導演同片商老細，卻忽視咗班脫星並非打女，縱然事前經過訓練，喺拍攝時仍經常出意外，有脫星表示拍呢啲戲甩骹只係碎料，有人更曾經試過搞到腦震盪要入廠大修添！