世界波：墨西哥Expo Sexo 美女勁舞任人摸

提到墨西哥，大家會聯想起乜嘢呢？辣椒？粟米脆片？阿茲特克文明？定係同墨西哥完全無關、只得香港麵包舖獨有嘅墨西哥包呢？點都好，如果大家參加過墨西哥一年一度嘅性愛盛事「Expo Sexo」，以後一定會諗起火辣、刺激同好色！

早兩年，政府班高官話要將香港打造成亞洲區金融中心一哥，又話要做中藥港，又話要做博覽之都。前兩樣就做唔到喇，不過博覽之都真係幾成功，但係小弟我仲係非常唔滿意，因為咁多博覽會當中，啱市民參與嘅唔係師奶最愛嘅美食展，就係令男人聞風喪膽嘅婚紗展，完全唔夠外國咁多元化，至少佢哋可以開放門戶，大搞情色博覽，就好似最近完成嘅墨西哥「Expo Sexo 2012」，就係國際成人娛樂界嘅一大盛事。

萬人空巷

Expo Sexo每年都會假墨西哥城舉行，而今年就選定於2月29日至3月5日，進行為期6日嘅博覽期。其實第一屆Expo Sexo於2004年舉行，當時已經吸引到超過8萬名人士入場參觀，點解咁多人撐？Expo Sexo嘅展覽場館有成27,000幾平方米，除咗有室內場館，仲有戶外場地，容納人數勁多，再加上佢哋節目豐富，展區處處色慾澎湃，每每令男人睇到血脈沸騰，女人則睇到驚呼狂叫，所以咪有咁多人捧場囉！

真軍肉搏

可能有人會問：「有乜節目咁架勢先？」Expo Sexo集表演、銷售鹹書及四仔，以及情趣玩具於一身，而講到表演嘅激情程度，更係一般Expo無法媲美。除咗有舞技精湛同身材火辣嘅鋼管舞孃表演外，又有以鮮艷色彩襯托美女胴體嘅人體彩繪展，但講到最興奮嘅係有美女上台玩自摸，以及用情趣玩具表演自娛，仲有男女明刀明槍示範真人騷，真係睇到入場人士心跳加速！

任摸唔嬲

見到舞台上嘅激凸舞孃搔首弄姿，搖曳生姿，再見到男女同台「搏命」，相信冇幾多個男人可以頂得順，唔睇到熱血下湧，勃然硬朗起來。你以為現場班靚女只係有得睇、冇得摸？錯！因為呢班舞孃個個都好容易會愈跳愈High，除咗會一邊跳、一邊剝，更加唔介意挺起個胸，畀周邊嘅圍觀者感受其雙峰嘅彈力質感，只要你「攝」到頭排位置，一定唔怕冇水畀你抽。

幫襯有獎

除咗舞台有嘢睇，台下亦有大把嘢玩，例如去銷售情趣玩具嘅檔位玩吓最新嘅產品啦，亦可以喺室外同一班脫星參加與民同樂嘅泡沫派對，更加可以同現場嘅脫星熊抱合照，當然事前要幫襯佢哋買番隻DVD或成人雜誌，至可以得到呢個獎勵啦。若然怕買鹹碟同鹹書返屋企會畀老婆鬧，幫襯小食店都一樣有獎，因為有唔少小食檔為咗吸引人流，所以特別聘請性感美女睇檔，只要有幫襯，絕對唔介意露兩點畀客人睇o架！