世界波：女人Say No男人Don't Know

大部分男人一上到床就被下半身控制了思想，提出一些令女人Say No的事情，搞不好的話甚至會破壞整場賽事，搞到大家性趣全無。唔想女伴次次嗌唔好，就應該搞清楚女人嘅Say No指數，咁咪唔使冇得做而搞到心煩氣躁囉！

雖然依家社會風氣已經愈嚟愈開放，但對於大部分「良家婦女」而言，喺床上仍然有啲不能接受嘅事情，例如口舌服務、綑綁遊戲等。可惜男人睇得AV太多，以為呢啲都好平常，結果苦了伴侶亦傷了感情。以下列舉嘅，更係男士經常犯嘅錯誤，又難怪女人大叫唔好嘅……

1.突然抽出要吹奏

女人Say No指數：5

原因：呢個係大部分男人心底內其中一個最渴望嘅性幻想，可惜亦係大部分女人最討厭嘅行為之一，夾硬嚟只會傷咗感情，隨時分手都有之！

2.完事後倒頭大睡

女人Say No指數：5

原因：女人最嬲男人做完就瞓，因為會令女人覺得自己好似洩慾工具一樣不被重視。男人下次做愛時，應該試吓做足後戲，就算真係好攰，喺事後嚟番個深情擁吻都唔係好困難啫，但就會令女人覺得好冧。

3.唔肯戴套

女人Say No指數：4

原因：女人覺得做愛應係雙方享受，冇理由男人享受過後，就要女人承擔貪歡嘅後果─懷孕，所以唔戴套嘅男人等於冇責任感，女人絕對有理由Say No。

4.走後門

女人Say No指數：4

原因：多數女人都覺得肛交唔正常，如果男人提出呢類要求，隨時會令女人覺得你變態，更會令女人覺得自己吸引力不足，需要用另類體位先可以滿足對方。

5.親熱前唔沖涼

女人Say No指數：4

原因：試諗吓一個返咗成日工、滿身汗臭嘅男人，突然面貼面咁要求伴侶立即做愛，對於相對上較鍾意乾淨嘅女人而言，會接受得到咩？若然真係咁急色，咪嚟個鴛鴦浴當前戲囉，至少女人會願意啲囉！

6.避談結婚問題

女人Say No指數：4

原因：點解男人淨係想做愛，又唔願意負責任？若然只係想搵個人解決性慾，不如畀錢召妓算數啦，面對咁嘅賤男，女人又點肯乖乖就範。

7.要求開燈或在特殊地方進行

女人Say No指數：3

原因：不能否認，大多數嘅女人喺性事上都比較怕醜，除非係將性愛當工作嘅妓女或脫星，否則邊個會鍾意無緣無故着晒燈嚟做，又或者喺啲奇怪地方進行。喺一個有安全感嘅地方做愛，可以令女人做得更放，最終咪又係男人得益！