指壓場唔易做

想一想，已經好一陣子沒有上指壓場了，從前認識的，不是已經轉行去，就是做得心灰意冷：「租金愈來愈貴，客人愈來愈少，囡囡愈來愈難搵，以前撈得偏門嘅幾何會聽到人蝕本o架，你唔好話我講，江湖傳聞，有個做指壓嘅，搞到要出去做裝修補貼番間場呀，點解會咁蠢？聽講因為簽咗租約，唔停得，會上身呀！總之真又好假又好啦，呢個故事話畀我哋知，生意難撈！」這晚天寒地凍上到這家算做得不錯的指壓場，難得他們的人有空跟我閒聊，每逢這種天氣，夜場是例靜的。

一邊說，忽爾看到一個很面熟的囡囡拿着毛巾從房間走出來，卻一時間想不起在哪裏見過她，「啊，件女嚟咗呢度返工都成幾個月o架啦，以前做過桑拿，後來又做過鳳姐，最後咪上嚟撈指壓囉，OKo架，雖然年紀唔係細，但招呼唔錯，算係有的口碑o架！」經他這樣一提，我記起了，我之所以見過她，是因為一次鳳姐採訪，她當時告訴我因為骨場環境太複雜，所以才跑出來做個體戶的，怎麼又轉出來了？

「唔奇吖，你估鳳姐又易做呀？」負責人說。