裝胸作勢沙妍伶

小弟每日都會睇天氣報告，對天氣女郎亦特別留意，皆因佢哋樣子甜美，討人歡喜，好似今日介紹嘅靚女沙妍伶，未做模特兒之前，都曾經當過天氣女郎啦！

來自遼寧大連嘅沙妍伶，樣子清秀可人，身材高挑，當天氣女郎時，已經迷倒一眾宅男，及後佢獲一位著名攝影師賞識，邀請佢當模特兒拍攝一輯硬照，妍伶起初都戰戰兢兢，結果出嚟嘅效果極具水準，更大受粉絲歡迎，於是佢就當上全職模特兒。

七情上面

妍伶嘅三圍有33-23-33，雖然身材唔算火爆，但喺左唧右夾下，經常營造到波濤「胸」湧嘅效果，加上一雙41吋修長美腿，真係令人暈晒大浪。而攝影師亦對妍伶嘅表現讚口不絕，讚賞佢拍攝時相當投入，七情上面，經常畀到驚喜大家，令作品更加完美，所以好多著名攝影師都非常喜歡同佢合作，難怪由出道至今，妍伶嘅工作都未停過，且人氣高企啦！

融入舞蹈

自小學習跳舞嘅妍伶，「舞」功深厚，不過佢從未想過當舞蹈員，以跳舞作為職業，因為跳舞在於佢只係興趣，加上要成為一個專業舞者，必須要花好多時間同精神習舞，所以目前只會專心做模特兒嘅工作，但妍伶就會將舞蹈融入拍攝當中，令Pose更有美感，可想而知妍伶對模特兒工作有多認真同投入，希望佢嘅發展一日千里，成為頂級模特兒，同時拍更多高質素嘅性感寫真畀大家欣賞喇！

沙妍伶Profile

出生地：遼寧大連

三圍：33-23-33

身高：170cm

興趣：跳舞