世界波：做得愈多愈幸福

香港人喺全世界嘅性愛次數排行榜上，經常都包尾！如果根據美國國家經濟研究所曾進行過嘅一項涉及16,000人嘅「性、金錢和幸福」調查顯示，最幸福嘅人就係性生活最多嘅人。咁講法，香港人咪好唔幸福，而四仔女星反而係最幸福？難怪咁多女星都十分認同呢個研究報告，仲叫人以後唔好再戴有色眼鏡睇佢哋呢個行業添！

其實澳洲都有一個成人調查報告，約有37%受訪者認為每周最理想有3至6次性愛，先至可以得到滿足，而有46%人甚至認為跟新歡交往嘅首月，每天最少交歡3次，先至覺得幸福。

然而，調查報告卻指呢啲都係受訪者嘅幻想，佢哋實際得到滿足嘅只有少數人。可能有好多香港人唔認同次數多寡代表幸福指數，不過美國嘅四仔女星就舉腳認同，我哋又不妨睇吓佢哋所列出嘅理據，是否令人信服。

做愛等於賺錢

根據美國一項從經濟學家角度看性行為對幸福嘅調查報告顯示，性帶來嘅幸福水平係有一個基本嘅估計值。據估計，對一般美國人而言，性生活由每月1次增加到每周1次所產生嘅幸福感，相等於一下子得到額外5萬美元。所以性愛次數愈密，代表收入愈多，幸福感覺自然大增。甚至有四仔女星認為性活動比銀行存款更重要，因為金錢帶來嘅幸福感，往往不及肉體得到滿足嘅幸福感來得多。

令婚姻更長久

雖然呢個統計仍然備受爭議，但大部分四仔女星都相信性愛次數嘅多寡，對於維持婚姻關係十分重要。不過外國人同中國人在性觀念上，受唔同文化所影響，思維同取向自然有出入。但不得不承認，大部分夫婦嘅結婚年期愈長，性生活就愈少，當然，一定有例外嘅，而呢啲例外嘅夫婦，不謀而合又比性生活愈嚟愈少嘅夫婦更恩愛，所以某程度上，任何人種，都普遍同意性生活愈美滿，婚姻長久度愈高呢個論點。

紓緩情緒問題

現代社會生活太過緊張繁忙，令好多人喺不知不覺間有情緒問題，早期連自己也難察覺，一旦病發嘅時候，就已經進入嚴重狀態，而性生活就係用嚟調節生活壓力嘅最佳天然療法之一！性愛係人類最原始嘅行為，亦都係兩性之間最親密嘅接觸，所以呢種赤裸裸感覺可以令人完全放鬆，進入「無壓力」狀態。多做不但可以調節生活壓力，更可以令體內賀爾蒙得到平衡，幸福感亦會隨住美滿嘅性愛而產生，所以性愛次數絕對跟幸福指數成正比！