完美宅女王馨漪
今日介紹一位嚟自北京嘅靚女畀大家認識，佢嘅名字叫王馨漪，今年21歲，雖然佢出道日子好短，但喺模特兒界頗有名氣，同時喺網絡上亦人氣高企，冇辦法啦！馨漪樣子甜美，身材出眾，係男人見到佢都嗒糖啦！
不過，估唔到馨漪原來係一名宅女，佢坦言平日唔喜歡出街，最鍾意留喺屋企上吓網、睇吓碟，可謂同宅男志趣相同，難怪大受宅男歡迎，當然馨漪嘅一副完美身材至係迷倒眾男嘅煞食武器，34D堅挺上圍，配合23吋小蠻腰，真係好誘人。
而馨漪仲有一樣必殺技，就係佢可塑性高，形象百變，好似佢拍攝每輯寫真都有好多唔同造型，予人新鮮感，真係唔會悶親，難怪佢亦被導演睇中，早前佢就參與拍攝咗兩部電影，分別係《非誠勿擾2》及《隱婚男女》，足見馨漪前途無限。
王馨漪Profile
出生地：北京
三 圍：34D-23-35
身 高：173cm
興 趣：睇碟