露乳為民主

近年以爭取民主為主題嘅遊行非常多，而遊行當中仲有唔少激進分子公然挑戰警方，早前嘅七．一遊行，就有一班遊行人士衝出馬路，險釀成意外，仲惹怒正使用馬路嘅司機添。而最近於烏克蘭聲名大噪嘅女權組織FEMEN，又為咗爭取民主而玩到好激。激成點？咪激到剝光上身，打出胸前一對烏克蘭美乳嚟抗議囉！

抗議妨礙新聞自由

7月24日，FEMEN嘅女成員又再出動，上身赤裸，雙峰坦蕩蕩嘅佢哋，手執一部紙製相機模型，去到位於首都基輔嘅格魯吉亞大使館門外抗議。點解佢哋會拎住部紙製相機？因為7月初嘅時候，格魯吉亞有幾位攝影記者因為追訪當地總統，被當地警方指係俄羅斯間諜，因而將佢哋扣查。由於大家同樣身處東歐國家，所以烏克蘭就有唔少人認為格國當局咁做有妨礙新聞自由、兼且損害民主之嫌，所以FEMEN嘅女成員咪扮成攝影記者到格國大使館搞搞震囉。

不過，當日FEMEN咁做就惹怒咗大使館嘅職員，呢位怒漢居然於眾多傳媒面前，向FEMEN嘅女成員又推又撞，之後仲打傷一名到場採訪嘅攝影師。夠膽向女人動手，仲要向雙乳盡露嘅女人動手，擺明就係想抽水，真係可怒也！