褐色鬚嫁得過
中國男性嘅鬍鬚一般都係黑色，但原來有啲人嘅鬍鬚會呈咖啡色，原來相學上講，鬍鬚生成褐色嘅朋友，大多數都十分聰明，而且才智過人，必有一技所長，兼且喺業界係一位代表人物，最重要就係感情專一，唔會一腳踏兩船。
由於佢哋將精力集中喺事業上，只要物色到一位理想對象之後，就唔會再花時間去識其他女仔，所以要結識呢啲男仔，一定要喺讀書時候就盯上佢，由於未出嚟做事，呢類男生大多會比較怕醜，容易得手，所以女生發現身邊男性鬍鬚呈褐色，就要主動出擊。
事關佢哋只要捱到中年，就一定會名成利就，絕對嫁得過，二來佢哋好少會變心，絕對係揀老公嘅最佳筍盤。至於喺房事上，佢哋溫柔體貼，有時仲會製造一啲驚喜畀另一半，但若然你認為佢仲有改善空間，只需要開聲同佢講清楚要求，咁佢就自然會照做o架喇！b:達達