女網友夠主動
小弟一直未搵到女朋友，因此有朋友提議我去報讀興趣班，增加結識異性嘅機會，不過，小弟工作繁重，所以冇時間去上堂。另外，亦有朋友叫我上網溝女，我心諗：「邊有咁多女網友會應邀出街吖？」但事實上，原來女網友比男網友更主動提出約會。據美國渥西本大學一位博士早前就男女上網習慣進行咗一項調查，並搵嚟5,187名成年網友協助進行。結果發現接近87%嘅女網友表示願意約會初相識嘅異性網友，相反，男網友則只得接近68%。另一方面，調查結果亦發現，女網友當中有接近7成鍾意發送色情訊息同照片畀異性網友，而男網友則只有5成。反映出家陣啲女仔好識把握機會、主動出擊，而男仔上網溝女亦可能只係得個玩字，唔代表真係有所行動。