潑水快閃黨透點得擋
早幾年，美國紐約一位雜誌編輯，透過網絡同手機短訊，召集過百名男男女女，去到一間大型玩具連鎖店，朝拜一隻巨型恐龍玩具，唔夠5分鐘各人就飛快離開，自此快閃黨便聞名於世。
到咗今時今日，快閃黨仍然活躍，不時愛玩露點影相，最近於烏克蘭第二大城市哈爾科夫（Kharkov）終有新猷，就係有500人參與嘅快閃潑水。
於上月23日，唔知係咪因為烏克蘭極度炎熱，突然有人於網上發起街頭潑水活動，向四周嘅途人以及行經嘅車輛潑水。
據講活動本身只屬即興性質，潑完水就即閃走人，不過眾人玩得興起，所以最後冇快閃，反而吸引到更多途人加入。你潑我，我潑你咁，大家都玩得好開心，而最開心嘅應該係男士。因為潑水活動事出突然，好多女仔都來不及防備，因而被潑到全身濕透，內衣透視而出，部分天生豪放，內裏真空嘅女仔更加玩到透晒點添！下次有機會，真係要去玩埋一份！