耳仔輪廓現愛鬧人
當你遇見有女人喺大街大巷同人嘈交，你哋不妨望吓佢哋隻耳仔，輪廓係咪特別清楚呢。原來耳仔輪廓明顯，表示呢個人性格外向，堅持己見少妥協，如果加埋耳珠細細粒，咁佢哋一嗌起交上嚟，就冇辦法停到口。
原來耳珠細，胸襟唔慌大得去邊，眼淺心胸窄，自然有乜嘢唔順眼就會爆出嚟，加埋耳仔輪廓現，就會唔肯認輸咁嘈落去。喺街頭都仲好啲，喺屋企就一定會家嘈屋閉，但最大鑊就係佢哋拍拖時已經係咁，所以感情運極差，冇乜男人頂得佢哋順。
忍得佢哋啲臭脾氣嘅男人，本事好極有限，所以佢哋周不時會捉住個老公嚟哦，忍得到就一世，忍唔到就會離異收場。就算喺房事進行中，佢哋都可以喋喋不休咁不斷鬧人，自己唔投入，搞到另一半亦會好冇癮，性生活一塌糊塗，最後變成神憎鬼厭嘅阿婆。