龍眉漢餵飽妻
大家平常所講嘅一字眉，係生得比較纖幼嘅眉形，但如果眉形較闊，加上眉毛貼順，原來喺相學上會稱之為「龍眉」。擁有龍眉嘅人，大多數生於顯赫世家，父母親都係社會上有名望嘅人士，而且兄弟姊妹個個都係社會精英，自己本身亦會飛黃騰達。
就算本身頭腦唔好、兼且練精學懶，但由於家族身份特別，所以單靠呢個身份，都能夠喺社會上混日子；如果肯腳踏實地，努力進取，更會名成利就。而喺愛情運方面，可以話係得心應手，因為有家底，要識女仔可謂完全冇難度。但咪以為佢哋會用情不專喎，原來只要遇到心目中嘅女神，佢哋就會專心一意做個好老公。當然，做太太嘅都要有啲絕活，先至可以完全鎖住佢哋嘅心。
至於床上表現，佢哋十分尊重女性，會將女伴嘅要求放喺第一位，所以做佢哋嘅另一半，一定可以食得飽。