50歲妓女冒充大學生

內地有唔少女大學生，因為生活費唔夠用，於是下海搵錢，而夜場嘅大學生囡囡，亦漸漸成為客人尋歡作樂嘅重要性指標，不過因為大學生冇識認，換咗套制服，其實個個都係咁嘅樣，所以好易上當，早前就有嫖客撞着個50歲嘅囡囡扮大學生而上晒報。

訛稱下海賺學費

話說早前常州警方例行掃黃，掃蕩咗一間骨場，拉咗6個人，當中有個客人30歲，而服務佢嘅囡囡就自稱24歲，喺骨場烏燈黑火都呃得到人，返到派出所燈光火着，公安就發覺有啲唔對路，審問之下，囡囡無奈說出自己係60後，咁咪成50歲？

原來呢位半百囡囡因為身材Keep得好，加上皮膚白皙，成日畀人估錯佢年紀，於是佢去骨場應徵時，就用咗張假身份證扮24歲，點知真係畀佢瞞天過海，應聘成功。期間好多客人都畀佢呃咗，於是佢個膽愈嚟愈大，得知客人喜歡大學生，就同客人講自己讀緊大學，為咗繼續學業先被迫下海賺學費，從而騙取多啲小費。有客人得知真相後，都大呼被騙。梗係啦，同個50歲嘅阿嬸搞嘢喎，畀人知道實瘀死啦！