奇幻袒胸美姬
日本嘅成人首辦模型，除咗取材自人氣動漫或電玩外，亦鍾意將一啲外國著名成人繪畫師嘅作品模型化，好似今次介紹呢個首辦模型，就係嚟自美國奇幻繪畫大師Dorian Cleavenger其中一個名為Akira嘅作品喇！
Dorian嘅畫作以奇幻風格著稱，除咗鍾意以怪獸為題材外，美女亦是主要創作對象主題。Akira身材固然玲瓏浮凸，半裸嘅姿態相當誘人，配合埋身上猶如刺猬般嘅盔甲同裝飾，令佢充滿奇幻嘅氣息。模型嘅造工相當精美，身上裝飾嘅雕工非常細緻，優美嘅女性胴體，加上袒胸露乳嘅造型，尤其係一對呼之欲出嘅巨乳，更係相當養眼，絕對係一件上乘作品。不過，由於呢個模型細節位甚多，如果想突出Akira嘅魅力之處，塗裝時就要畀多啲心機喇！