面腮有毛 渴望戀愛
女性喺腮部長滿汗毛，原來代表佢哋感情生活乏善足陳，特別係15至25歲期間，腮部汗毛愈濃密就代表感情生活愈枯燥，咁都係其次，最難受係佢哋心裏面卻非常渴望愛情，於是內分泌出現變化，導致兩頰至腮骨滿布汗毛。
所以男仔遇上面頰生有好多汗毛嘅囡囡，只要落多兩錢肉緊，就會輕易奪得美人歸，而且由於佢哋願望達成，對呢段感情會特別珍惜，事事對另一半言聽計從，百般遷就。
咁囡囡面頰嘅汗毛幾時先會甩呢？原來有正常性生活之後就會逐漸改善。所以關鍵嚟喇，囡囡面頰嘅汗毛一甩，佢哋又會回復本來嘅真面目，例如面相天生可愛，就會繼續可愛；萬一本身係倀雞型嘅，就會繼續倀雞，所以識得呢啲囡囡，咪咁心急發生關係，否則魔咒一除，佢哋就會回復本來面目，到時貨不對辦都冇得投訴o架！