最瘋狂的一次
美儀同老公肥牛結咗婚10年有多，最近發現肥牛經常提唔起性趣，於是美儀相約好姊妹寶儀出嚟訴苦。寶儀聽完就話：「呢度有粒特製春藥，我老公試過之後，死蛇都變猛虎，一晚之內同我做足5次呀！」但美儀見到粒藥一臉苦惱咁話：「弊在我老公平時連粒維他命丸都唔肯食呢！」寶儀教路：「你將粒藥磨到粉狀，放落杯咖啡度畀佢飲，咁咪得囉！」美儀即時展露笑容：「係喎！多謝晒！」一個星期之後，美儀約寶儀出嚟飲茶，寶儀好八卦咁問：「點呀？你老公食咗粒藥之後勁唔勁呀？」美儀搖頭話：「慘喇！慘喇！」寶儀追問：「點會慘呀？粒藥真係好有效o架喎，你係咪冇畀佢食呀？」美儀就答：「我有學你講咁做，佢飲完咖啡之後就即刻我同喺餐枱『搏命』，係我有生以嚟最瘋狂嘅一次經驗！」寶儀話：「咁咪好囉！」美儀一臉尷尬咁話：「但係我哋當日喺街口間咖啡店飲咖啡呢！」