靚太食派對

有睇過美國電視劇《靚太唔易做》應大概知道美國一班中產靚太嘅生活，當中有啲靚太同老公只係表面恩愛，暗地裏卻各自偷食。現實生活中，原來真係有呢類專畀靚太偷食嘅派對，除咗場地高檔外，參加者都係中產人士，絕對門當戶對。

芳心寂寞

其中有間俱樂部，每個月都會搵一間豪華別墅舉行速食派對，會員全部都係專業人士或中產闊太。場內衣香鬢影，人人都着到鬼火咁靚，仲要飲香檳、食魚子醬，但兩杯到肚，好多靚太嘅狼相就會現形。

好多靚太嘅老公都係大把錢，不過就成日唔黐家，更加唔得閒餵飽老婆，於是呢班食飽無憂米，但係細妹又餓到死嘅靚太，惟有參加呢類速食派對食餐飽。所以佢哋絕對唔會怕醜，一見到啱食就會動手，尤其是見到啲大大隻、好似好砌得嘅男人，更加唔會手軟。

絕不上身

不過派對有時都會有鴨仔混入場，佢哋打扮成高檔專業人士，目的當然係騙財騙色，佢哋知道萬一釣到個靚太，就真係有排唔使憂。不過場內嘅靚太都唔係善男信女，同你喺派對玩到幾癲都好，但一離場就會當唔識，佢哋嘅宗旨係玩時玩，絕對唔可以上身，以免畀老公知道，冇咗張長期飯票就唔抵啦！