甩皮
美華屋企嚟咗個啱啱從鄉下出嚟、叫做阿玉嘅親戚。由於阿玉自小生活喺窮鄉僻壤，好多嘢都未見過，只得十幾歲嘅佢，份人亦好天真同單純，所以經常鬧出笑話。
有一晚，美華叫咗男友上嚟曳曳，點知畀阿玉撞破佢哋好事，第二日阿玉好唔好意思咁話：「對唔住，我冇心偷睇你哋o架！」美華笑道：「無心之失啫，冇所謂啦！」跟住阿玉就面紅紅咁問：「我有件事想問你，但唔知點開口……」美華叫佢不妨直說。阿玉就問：「尋晚我見你男友，同你親熱完後，喺『嗰度』掹咗啲嘢出嚟，唔知係乜嚟嘅呢？」美華大笑話：「連呢個你都唔知？咪係安全套囉！」然後美華就從手袋，拎咗個安全套出嚟畀阿玉睇，仲話佢可以用嚟避孕同預防性病。
阿玉拆開包裝袋，研究完一輪後話：「原來呢個叫做安全套，等我尋晚仲以為親熱完之後會甩層皮出嚟，嚇到我成晚都瞓唔着呀！」