倩女幫人之一朝發達

黑仔達話尋晚撞鬼，仲同隻女鬼發生咗關係添！不過我就唔信邪，所以同佢講：「係你疑心生暗鬼啫！」我一邊用手拍佢個頭，一邊話：「醒吓啦你！家陣我返工喇，你醒醒定定去搵份工，唔係輪到你餓到變鬼呀！」黑仔達見我語氣甚重，於是一支箭咁標出街搵工。

手機報喜

當我食午飯嘅時候，黑仔達就打電話嚟話：「肥寶！今次掂過支電燈柱喇！」咁高興？咩事呢？黑仔達繼續講：「我頭先行行吓，見大開心快餐集團請人，於是咪諗住入去應徵做雜工，賺個最低工資囉！」我就追問：「唔係請咗你個排骨仔啩？你平時同女友玩推車都話唔夠力喎！」

黑仔達笑笑口話：「真係請咗我呀！不過我冇做，因為我老細突然打電話畀我，話自從畀我撞破佢同清潔阿姐嘅姦情之後，阿姐話要畀個名分佢，老細先至知清潔阿姐原來儲儲埋埋有成千幾二千萬身家！阿姐仲話會全力支持老細發大盤生意嚟搞，佢話多得我唔少，所以預咗個副總經理畀我做，每個月仲有10萬蚊人工呀！」

女鬼再現

世事如棋，估唔到黑仔達可以否極泰來，真係戥佢高興！亦應驗咗好多人所講嘅谷底反彈。黑仔達突然富貴，梗係去搵班豬朋狗友大吃大喝啦！不過，我第二朝要早起身，所以就未有跟隊。當我返到屋企，其實都有少少驚，話晒成間屋只得我一個，而且黑仔達尋晚先撞完邪！

當我又驚又眼瞓之際，突然有一個散發幽香嘅女人行近！我即刻縮入被窩，個女人坐上我張床，仲輕拍我手臂。我就話：「鬼大姐呀！咪搞我啦，我冇做過壞事o架，係平時睇吓三仔四仔咋！」女鬼竊笑咗幾聲，然後話：「睇咁多三仔四仔，谷埋谷埋一定好多精華啦，咁就益吓我啦！嘻嘻……」然後佢伸手潛入我被窩，搜索我嘅褲襠……（待續）