職業病
老麥喺結婚當日，心情緊張到爆燈，不過佢唔係因為小登科，而係擔心份驗身報告。佢同伴郎阿德講：「死啦！份驗身報告晏晝至出，我驚有問題呀！」阿德笑道：「鬼叫你咁爛滾咩，又唔做足安全措施，等陣份報告出咗，驗到有你賴咗嘢，睇怕你老婆一定同你離婚！」到咗晏畫，老麥終於等到份驗身報告，好彩冇事！老麥開心到擺完酒之後，就拿拿臨同老婆美絲洞房。
點知第二朝早，老麥就打電話畀阿德。阿德奇怪問：「做乜咁早打電話嚟呀？莫非你想向我報告尋晚洞房情況？」老麥嘆咗口氣話：「提起就傷心喇！今朝我起身後，好順手咁從銀包拎咗張金牛畀佢……」德仔驚叫：「咁你老婆咪慶爆？」老麥停咗一停後，就講：「佢居然找番兩張紅衫魚畀我呀！」