脫星冇良心 剝衫賺到盡

港聞標題話「港鐵冇良心，票價賺到盡！」問心，依家做生意邊個講良心呢？當脫星剝衫都話要逐次計時，真係露肉有價o架！向來歐美脫星界除床上剝衫拍四仔外，閒時去新碟簽名會，公司荒淫派對，甚至年尾頒獎禮，脫星都例牌走光飛釘博見報，估唔到今日Sunny Leone竟然夠薑到要求大會露肉有價，畀張清單人哋，當然激到大會火起啦。但鬼叫阿妹呢期掂咩，慶過火屎都要畀錢佢賺！

大賣意淫

開咗先例，其他脫星有樣學樣，但效果如何？咁當然就冇Sunny咁硬淨啦！點解？據Sunny解釋：「第一，我剝衫絕非開天索價，只不過係象徵式收少少；其次，我剝之餘仲會有意外驚喜，例如要我上台露兩點，我會一邊跳艷舞同時慢慢由北半球開始剝，咁至夠挑逗性！一般脫星未上台就剝定衫，你以為喺四仔片廠咩？」原來阿妹不但Sell身材，更大賣意淫，挑逗觀眾情緒為客戶搞氣氛，難怪長做長有咁好撈啦！

老實講，Sunny Leone喺四仔界素來有種講不出嘅魅力，講樣佢唔算索爆，身材亦只係不過不失，偏偏咁多人鍾意睇佢剝衫，好大可能係佢剝得夠淫，咁抵佢賺到盡啦！

Sunny Leone's Profile　

出生日期：1981年5月13日　三圍：34DD-24-34　身高：5呎4吋