不回鄉過年

畢竟是中國人社會，每年這個時候，平時再拚命的夜場囡囡，也差不多是「撤」的時候，回鄉放春節假，幾乎是大多數囡囡都做的大事，有些會休息一個月，有些則在「短短」兩個星期後就重回工作崗位：「不回去不成呀，家裏的人都不知我在外面做甚麼，過年也不回家，會引起懷疑的。」一位在東莞夜總會上班的女孩跟我說。

對，那邊一個邪骨場經理人跟我說，沒有例外，這一年也有很多女孩離開了，連她自己也會放假，「宣傳都唔好搞住喇，免得有客嚟我又唔喺度，浪費晒。」

反而，這幾年，澳門桑拿一到年假就大爆特爆，不少女孩知道這種情況，都選擇留低發個新年財。「遠唔好講，就講舊年，你知唔知平時一間$600、$700嘅酒店房，春節假收緊幾錢？$3,000都一樣爆，好少少嘅酒店，開到成萬蚊一晚，咁你話，上桑拿揼個骨，有得玩、有得瞓、仲有得食，有咩理由唔爆？講緊埋單先千幾蚊，幾個男人過嚟，梗係上嚟沖個涼好過周圍撲酒店房啦。」一位行內人告訴我，假期那幾天，入場人頭比平時假日還要多兩三倍，有錢使得鬼推磨，囡囡會不留低？