迷暈美股森島遙
喺寒冷嘅冬天季節，男士們特別懷念夏天，好想享受陽光與海灘之餘，仲有當然係喪(目及)比堅尼索女啦！而呢個森島遙水着Look手辦模型，相信可以為大家止一止渴！
挑起慾望
森島遙係人氣戀愛電玩遊戲《聖誕之吻SS》其中一位女角色，呢個遊戲之所以深受電玩迷歡迎，除咗遊戲吸引之外，靚女角色眾多，而且個個身材好，自然令人嗒糖。遊戲故事講述高中2年級嘅男主角，暗戀學姐森島遙，但係佢一直唔敢表白。直至森島遙就嚟畢業，男主角決定鼓起勇氣示愛，但同時佢又想識吓其他女仔，希望喺下個冬天來臨之前，可以談一場轟烈嘅戀愛。
作為男主角仰慕嘅對象，森島遙嘅外形梗係索啦！為咗展現佢副玲瓏浮凸嘅身材，其手辦模型以水着Look示人，雖然穿着一件頭泳衣，反而更顯心口漲卜卜，加上伏身趷籮甫士，十分誘人，渾圓嘅美股不但養眼，配合含情脈脈回望嘅眼神，完全挑起人無限慾望。難怪唔少模型迷都表示，十分期待買呢個模型收藏啦！