兩難局面
最近肥浩從朋友口中得知，某一處興建天體度假中心，去嗰處度假要剝光豬先可以入去玩。肥浩聽到就即時決定去玩，皆因名正言順可以欣賞裸體美女！當佢去到天體度假中心之後，就即刻剝晒衫褲，然後四處遊玩一番，途中欣賞到唔少裸體美女，真係開心到震！之後，肥浩就去海灘一邊曬太陽，一邊(目及)女。良久，管理員阿松從遠處見到戴住太陽眼鏡嘅肥浩四處張望，就匆匆趕去同肥浩講：「喂！先生，麻煩你唔好四圍(目及)啦！咁樣好冇禮貌，而且會對其他人造成滋擾o架！」肥浩聽到之後，連隨將太陽眼鏡除低，露出一對熊貓眼同阿松講：「我頭先咪就係望實同一個女人，所以先變成咁囉！」阿松就話：「咁你試吓望男人囉！」肥浩就企起身，將滿布瘀傷嘅屁股趷向阿松話：「畀我望嗰個男人就搣成我咁喇！」