谷村奈南好歌又好波

香港樂壇同日本樂壇有好多不同之處，而小弟覺得最大分別，就係香港樂壇嘅女歌手，唱歌好聽通常都唔會索，個樣索通常就唔識唱歌，甚至不堪入耳！反而日本就唔同，好多女歌手都係又靚又好唱功，好似濱崎步同倖田來未就係最佳例子！

不過若然好似倖田來未咁，副偈豐滿又婀娜，就算唔做歌手都一樣可以賣奶搵食！相信當今拍得住佢嘅，只有其師妹，亦即係被日本樂壇稱為「G Cup奇迹」嘅谷村奈南喇！

極品身材

今年23歲嘅奈南，出道已經有三年，憑住具感染力同雄厚嘅聲線上位！佢仲曾經獲得過唔少樂壇獎項，好似「MSN Music 最期待個人表演藝術家」等等！不過，個人覺得奈南嘅樣貌同身材更值得留意，因為奈南生得相當標致，仲擁有35G-23-34嘅極品身材，係咁意夾一夾，心口已經有一條長長嘅事業線！

而據奈南自己表示，佢話身材應該係遺傳自媽媽，而且佢細個時曾經移居過夏威夷，跟隨當地人嘅飲食習慣，相信亦有少少關係喎！

谷村奈南Profile

出生日期：1987年9月10日

身　　高：5呎5吋

三　　圍：35G-23-34

血　　型：O型