各處鹹片各處例

近年香港電影界甚少出現鹹片，事關法例所限，色慾場面一定唔可以太到肉，唔夠鹹唔夠放，觀眾就梗係唔會畀錢入場啦，倒不如欣賞日本同歐美嘅三仔、四仔更好！情節多元化，而且玩得又激又過癮，最重要係容易搵到！就算唔出街，亦可以上網欣賞，方便到不得了！

不過，大家一邊欣賞鹹片之餘，其實亦應該慶幸自己身處香港呢個咁自由嘅城市！因為，世界上有好多地方都將鹹片列為違禁品，亦有好多地方就算畀賣亦唔畀拍攝，部分地方可以拍攝亦有好多條款要遵守！

例如澳洲早前就立咗例唔准上圍得A Cup嘅女性拍鹹片，因為怕會助長孌童癖喎！另外，伊拉克自從薩達姆政權倒台之後，禁止鹹片法例得以解除，但係卻會有激進分子潛入網吧，綁架同拷打睇鹹片嘅人，都咪話唔驚！而日本就禁止露出陰毛同生殖器官，所以一般嚟講，日本鹹片都有格仔，至於冇格嘅四仔，就聲稱係外國進口作偷雞發售！至於熱情嘅巴西，就規定鹹片男優一定要做安全措施，然而大家都以為最開放嘅美國，居然日漸收緊發售鹹片DVD，大家有得買就好買喇！