常平傳奇女副理（下）

早兩日提及這位身形嬌小、略施脂粉，看上去甚至有點似屋邨師奶的東莞邪骨經理人，究竟有甚麼方法在男人勢力重重包圍的工作環境下殺出一條血路、獨當一面呢？原因當然不是我見她兩三次，寫一篇小文章就能解釋清楚的，但她的本事，肯定是手上有一大批客人，而她的這些客人，據說起點，是由她認識一些香港朋友開始，再藉口碑廣傳而慢慢累積回來的。

「呢行就係咁，冇話從天而降忽然爆個金牌經理人出嚟，好多嘢都係一點一滴累積返嚟，好喇，真係畀你呢個月大搞宣傳，引到大量客人嚟，但如果你服務唔夠周到的話，下個月啲客一樣會走，話晒常平依家有咁多場，每間場又有咁多唔同嘅副理，你滿足唔到人，條街仲有大把選擇。」行內人跟我說。

「最初，佢梗係有班朋友幫佢周圍宣傳，有啲就口耳相傳，有啲就上網吹水，當然，佢自己本身都好勤力，從來都冇話放假唔做客人，總之有客到，佢就一定喺現場打點一切、管接管送。後來做起咗，佢知道自己應付唔嚟，亦唔會慳住，自己畀錢請咗幾個助理幫手管理一啲瑣碎雜務，呢啲都係佢嘅成功之道。」