下巴上翹房事自私自利
下巴上翹房事自私自利
男士下巴尖尖都幾靚仔，但下巴尖之外，如果仲要向上翹，就代表呢個人性情剛烈，橫蠻任性，成世人都以自我為中心，對朋友只有利用，從來唔會關心人，當利用完或者朋友稍有差錯，就會反面不認人，令朋友對佢哋敬而遠之。
喺感情方面亦都一樣，唔認識佢哋會以為只係大男人性格，但當熟落之後，就會發現佢哋唔止大男人咁簡單，仲係自私自利，忘恩負義。唔好話女朋友嘅親人，有時就連對女朋友都一樣好差，所以好多囡囡都會傷心離開，以致經常換畫。
喺床上方面，佢哋亦都唔例外，只會顧及自己嘅感受，只要自己有性需要，就要女伴配合，當佢滿足咗之後，就唔會再理女伴嘅需要，所以做佢哋嘅女人都幾冇癮。