重口味有情趣

由於工作嘅關係，小弟經常要逛情趣用品店，老實講，初時都感到有啲尷尬，因為店舖櫥窗擺放一支二支巨型震棒，仲有幾件情趣內衣同皮衫，望落去極之重口味！啲途人見到我，總會投以奇異目光，真係想同佢哋講：望咩呀？係咪想玩埋一份吖？當然，我冇咁粗魯，之後亦唔再覺得尷尬，因為每個人都有唔同嘅性喜好，好似喺外國有唔少人喜好重口味玩意，例如喜歡玩綑綁遊戲。

着皮衫交歡

根據美國三藩市一個網站嘅調查結果顯示，於315名年齡介乎25至54歲嘅男受訪者當中，有37%對於喺公眾場所交歡感興趣，唔怪得美國咁多四仔以打野戰為主題，仲有BangBus系列，講述點樣溝女仔上貨車，然後一邊遊車河一邊激戰啦！

而有30%嘅男士就想試吓將愛侶綑綁，或者被心儀對象綁起來，大玩拘束遊戲，難怪美國舉辦嘅Bond Con（綑綁大會）年年都有超過二萬人參加啦，原來真係有幾多人鍾意玩拘束綑綁！

另外，調查結果當中有79%嘅男士最想玩嘅玩意，就係着住SM味濃嘅皮衫交歡，仲表示可以增加閨房樂趣添！咁又係喎！喺公眾場所交歡係就係刺激，但係會被檢控；玩綑綁又怕搵唔到「熟手技工」，綁到周身傷痕，甚至會樂極生悲，都係玩唔過，反而着皮衫交歡，玩得安全又刺激，諗得過！