教導女人享受性

台灣有唔少同性有關嘅書籍，而且角度十分多元化，就好似今日要介紹嘅呢本《妳天生就是性愛女神》，一聽個名，唔好話女性讀者，連男性讀者都被吸引。書中內容係講心靈與性嘅關係，聽落好似好深奧咁！但原來作者李安妮，本身係個資深嘅心理學家同瑜伽導師，所以佢將兩者合二為一，希望讀者可以身心都得到和諧愉悅，而性正係女性得到和諧同埋喜悅嘅來源之一。

雖然現今社會提倡男女平等，但女性內心仍然係受住種種無形枷鎖所制約，往往未能得到性愛歡娛。有見及此，作者就喺書中講解及介紹種種小技巧，希望令女性身心都得到徹底改變，令佢哋更敢於面對性愛、享受性愛。當中一啲小技巧，包括靜坐觀想同肢體動作都十分簡單，唔會好似封面嘅一字馬拗腰咁高難度嘅！

書名：《妳天生就是性愛女神》

出版：星晨出版社

定價： NT$300 （約HK$75）