居酒屋多女陪

小弟最鍾意睇日劇，除咗演員有演技，劇情有張力之外，節奏亦十分緊湊，好過本地劇集多多聲，否則又點會成為佢哋嘅「借鏡」對象喎！而睇日劇時，成日都會睇到一班打工仔，喺收工之後，落居酒屋嗒番兩杯，慰勞一下自己。不過，只得兩杯酒加幾串串燒，又點夠撫慰心靈吖？喺新宿就出現咗一間創意美女居酒屋，除咗有酒飲，仲有女陪，好開心o架！

打扮豪放

呢間叫做Komachi嘅居酒屋，係主打海鮮爐端燒同串燒嘅，不過居酒屋老細就發現，入嚟幫襯嘅打工仔愈來愈「謝」，顯得身心俱疲，好明顯就係做到懵晒！而為咗令一班客人回復精神，老細就決定請來一班性感美女做侍應！呢班美女侍應好多都係涉谷系女仔，打扮得又潮又豪放，班囡囡會喺客人身邊團團轉，仲經常露條長長嘅事業線畀客人過目，令人精神為之一振！

另外，呢班美女侍應仲會因應季節而轉換制服，例如夏天就會換夏威夷草裙同比堅尼上衣！而且女侍應喺做完日常工作，如傳菜、落單等，有時間仲會陪客人傾偈飲嘢添，有班咁索嘅女侍應開解你，壓力係咪即時冇晒呢！