下巴圓厚力有不逮
下巴圓厚力有不逮
下巴圓厚嘅男性，畀人嘅印象好有福氣，但喺相學嚟講，福氣嘅嘢冇話樣樣都好。好似有啲人下巴圓厚就好有食神，經常都食到山珍海錯，但佢哋嘅身體就會好唔掂，事關成日食啲咁肥膩又濃味嘅嘢，身體負荷爆晒錶，根本係搵條命嚟較飛。
另外，有啲下巴圓厚嘅朋友，身家豐厚，但十分孤獨，身邊冇乜朋友。相反，有啲下巴肥厚嘅人身邊好多朋友，但佢哋就會周身冇蚊，所以下巴圓厚係咪好福氣，真係好難作準，唯一可以肯定嘅就係感情運不俗，能夠搵到一個白頭到老嘅好伴侶。
性愛表現方面，佢哋會好認真準備，但好求其結束，佢哋會為咗上床，準備成套計劃，所以氹女仔絕對冇問題，肯跟佢哋上床嘅女仔亦不計其數，但由於體質太差，每到埋門一腳都會失準，經常虛度春宵，最後只有返老婆身邊，做番個好老公！