眼頭長睫性伴多
眼頭長睫性伴多
有啲女孩子天生啲眼睫毛係眼頭長、眼尾短，因為大部分人通常眼頭眼尾嘅睫毛都係平均長度，所以若然只係眼頭部分有幾條生得特別長，古相書就稱之為「鳳頂毛」，話係好命，有機會做官太嘅意思。但近代相學家則認為擁有呢種睫毛嘅女性，只係會經常可以出席大場面。
咁又係，以前只有做官太先有較多機會陪丈夫接見客人，但今時唔同往日，出席大場面見達官貴人嘅機會，再唔係官太獨有，好多女性都一樣得，特別係女強人或者女高官。
擁有呢種眼睫毛嘅女性，喺床上表現大多充滿自信，能夠同伴侶充分合作，而且會努力爭取性高潮。但有時由於呢類女子自信心過大，感情上唔得專一，常會有外騖之心，所以佢哋嘅伴侶認真要(目及)實啲。如果係未婚嘅女性，性伴侶更會頗多，直至婚後至會稍為收斂！